მანდატურის უფლება-მოვალეობები იცვლება. ამასთან დაკავშირებით ცვლილება "ზოგადი განათლების შესახებ" კანონში შედის. მანდატურებს აღარ ექნებათ სკოლის შინაგანაწესის შესრულებაზე კონტროლის უფლება, თუმცა კვლავ იზრუნებენ ბავშვების უსაფრთხოებაზე, დანაშაულის პრევენციასა და დისციპლინის დაცვაზე.
მანდატურები სკოლის ადმინისტრაციას წესრიგის დამყარებაში დაეხმარებიან. ცვლილებების დამტკიცების შემდეგ მათ ასევე აღარ ექნებათ მასწავლებლების შესახებ ოქმების დაწერის უფლება, თუმცა, საჭიროების შემთხვევაში, ისინი ინფორმაციას დირექტორს მიაწვდიან.
ამ საკანონმდებლო ინიციატივით პარლამენტს მთავრობამ მიმართა.
