რუსეთის მთავარი სანიტარი ქართული ღვინისა და მინერალურ წყლებზე მოლაპარაკებების დასაწყებად მზადაა, - ამის შესახებ გენადი ონიშენკომ "ინტერფაქსთან" საუბარში განაცხადა.
მისივე ინფორმაციით, დოკუმენტების შესწავლისთანავე, ქართულ კომპანიებს მოწვევები გაეგზავნებათ.
როგორც ონიშენკო აღნიშნავს, ქართულმა ბიზნეს ასოციაციებმა და ბიზნესმენებმა რუსეთის ფედერალურ სამსახურს ქართული პროდუქციის რუსულ ბაზარზე დაბრუნების თხოვნით უკვე მიმართეს.
"რუსული მხარე ამ საკითხის განხილვის პროცესშია. ასეთი გეგმები მართლაც გვაქვს, მაგრამ შეთანხმება სულ სხვა საქმეა. კონკრეტული შეთანხმება ჯერ მიღწეული არ არის", - განაცხადა ონიშენკომ.
