ეროვნულ-დამოუკიდებლობის პარტია შენობის დაბრუნებას ითხოვს. დღეს ეროვნულ-დამოუკიდებლობის პარტიის ლიდერმა ირაკლი წერეთელმა და პარტიის სხვა წევრებმა თბილისში მაჩაბლის ქუჩის #8-სთან აქცია გამართეს.
შენობას ამჟამად ქართულ-ფრანგული საზოგადოება ფლობს.
წერეთელი მიჩნევს, რომ სააკაშვილის ხელისუფლების თვითნებობა, რომელმაც პარტია კუთვნილი ფართის გარეშე დატოვა, უნდა დასრულდეს და ეროვნული მოძრაობის ერთ-ერთ გამორჩეულ პოლიტიკურ ძალას ნორმალური მუშაობის საშუალება უნდა მიეცეს.
"ჩვენ მიმართავთ საქართველოს პრემიერ-მინისტრს ბიძინა ივანიშვილს, რომ ხელი შეუწყოს კანონიერების აღდგენას და პარტიას ნორმალური მუშაობის საშუალება მიეცეს", - განაცხადა წერეთელმა.
დღესვე, ეროვნულ დამოუკიდებლობის პარტიის წევრებმა აქცია სახელმწიფო კანცელარიასთან გამართეს და კანცელარიის სამდივნოს ბიძინა ივანიშვილის სახელზე განცხადება ჩაააბარეს.
