საქართველოს პრეზიდენტმა მიხეილ საკაშვილმა ებრაელ ხალხს ხანუქას დღესასწაული მიულოცა.
”მთელ ებრაელ ხალხს და საქართველოს ებრაელებს სულითა და გულით გილოცავთ ხანუქას ბრწყინვალე დღესასწაულს.
მინდა გისურვოთ ამ მტკიცე რწმენით იღვაწოთ ჩვენი საერთო სამშობლოს კეთილდღეობისა და განვითარებისათვის. ამ რწმენით ცხოვრობდნენ და დღესაც იღწვიან ქართველი ებრაელები, რომელთა წვლილი საქართველოში კულტურის განვითარების საქმეში და სახელმწიფოს აღმშენებლობაში, განსაკუთრებულია.
მშვიდობას, კეთილდღეობას და წარმატებებს გისურვებთ თქვენ და თქვენ ოჯახებს”, - ნათქვამია პრეზიდენტის მილოცვაში.