მსოფლიო მეტეოროლოგიური ორგანიზაციის მიმინარე წლის დაკვირვებების მიხედვით, 2012 წელი დაკვირვებების არსებობის ისტორიაში ერთ-ერთი ყველაზე თბილი იყო. მეცნიერები აცხადებენ, რომ საშუალო წლიური ტემპერატურა დაკვირვებების არსებობის ისტორიაში ყველაზე მაღალი აღმოჩნდა. აღნიშნულს ადასტურებს ყინულების სწრაფი დნობაც.
"2012 წელს ყინულის სწრაფი დნობა ადასტურებს სერიოზულ ცვლილებებს, რომელიც ხდება ოკეანეებში, ასევე ბიოსფეროში. კლიმატურ ცვლილებებს ჩვენ ვხედავთ საკუთარი თვალებით და ეს ცვლილებები არ შეჩერდება, რადგან ატმოსფეროში სითბური გაზების გამოფრქვევა იზრდება",- განაცხადა მსოფლიო მეტეოროლოგიური ორგანიზაცის გენერალურმა მდივანმა მიშელ ჟარომ.
მისი განცხადებით, თუ ვითარება მომავალშიც არსებული დინამიკით გაგრძელდება, ეს გამოიწვევს მსოფლიო ოკეანებში წყლის დონის ზრდას, რასაც ზღვისპირა რაიონების დატბორვა მოჰყვება.