გენერალური ინსპექციის ყოფილი უფროსი თენგიზ გუნავა აცხადებს, რომ ექსპერტიზის შედეგების გამოქვეყნების შემდეგ ხელისუფლება მისი დაპატიმრების გამართლებას ცდილობს. ეს განცხადება მან საგანგებო პრესკონფერენციაზე გააკეთა.
გუნავას ადვოკატმა კი ჟურნალისტებს ექსპერტიზის დასკვნები გააცნო. დაცვის მხარე ამტკიცებს, რომ ექსპერტიზამ არ დაადასტურა ნარკოტიკული ნივთიერების არსებობა. ადვოკატი მოუწოდებს პროკურატურას, დროულად გამოიძიოს საქმე და ახალ მტკიცებულებებს გაეცნოს.
