დღეს, 8 დეკემბერს, 11:00 საათზე, საქართველოს კულტურისა და ძეგლთა დაცვის მინისტრი გურამ ოდიშარია და მინისტრის მოადგილე მარინე მიზანდარი იმერეთსა და სვანეთს ეწვევიან.
8 დეკემბერს საქართველოს კულტურის მინისტრი და მისი მოადგილე ესტუმრებიან სვანეთის ისტორიისა და ეთნოგრაფიის მუზეუმს. დაათვალიერებენ ახლად დასრულებულ შენობას და განიხილავენ პირობებს - რამდენად მზადაა სამუზეუმო სივრცე ექსპოზიციის გასამართად და მუზეუმის საგანძურის დასაბრუნებლად.
ასევე, ადგილზე შეამოწმებენ მესტიის ყოფილი სამუსიკო სკოლის შენობაში საგანძურის დაცულობის დონეს და ადგილზე განიხილავენ არსებულ ვითარებას; შეხვდებიან სვანეთის ისტორიულ-ეთნოგრაფიული მუზეუმის დირექტორს რუსუდან ქოჩქიანსა და მუზეუმის თანამშრომლებს.
სვანეთში ვიზიტს საფუძვლად დაედო საქართველოს კულტურისა და ძეგლთა დაცვის სამინისტროში, სამოქალაქო საზოგადოებისა და საპატრიარქოსთან შექმნილი კომისიის მიმართვები, სადაც საუბარია საგანძურის შენახვის დარღვეულ პირობებსა და საგანძურისთვის შექმნილ არაშესაფერის გარემოზე.
