„ვისოლი" ავტოგასამართი სადგურების ქსელის განვითარებას განაგრძობს და ორთაჭალჰესის მიმდებარედ ახალ ინტეგრირებულ ავტოგასამართ სადგურს ხსნის. ახალგახსნილ ავტოგასამართ სადგურზე ვისოლი მომხმარებელს ნავთობპროდუქტების ფართო არჩევანთან ერთად ავტოგაზსაც სთავაზობს.
ახალი ავტოგასამართი სადგურების მშენებლობისათვის ვისოლმა მილიონ ლარზე მეტი ინვესტიცია განახორციელა და პროდუქტისა თუ მომსახურების ხარისხისა და უსაფრთხოების ნორმები, ტრადიციულად, ევროპულ სტანდარტებს შეუსაბამა. მაღალტექნოლოგიური ამერიკული საწვავის მიწოდების სისტემა, რომელიც ვისოლის ყველა ავტოგასამართ სადგურზეა დამონტაჟებული, 100% სიზუსტით ახდენს მომხმარებლისათვის საწვავის მიწოდებას.
„მოხარულნი ვართ, რომ საშუალება გვაქვს მომხმარებელს ნავთობპროდუქტების ფართო არჩევანთან ერთად ალტერნატიული, ეკონომიური საწვავიც შევთავაზოთ. მსოფლიო ბაზარზე ნავთობპროდუქტების ფასების ზრდის ტენდენციამ მოთხოვნა ავტოგაზზე მნიშვნელოვნად გაზარდა. შესაბამისად, ვისოლ ჯგუფმა, როგორც საზოგადოებაზე მზრუნველმა კომპანიამ, გადაწყვიტა გააფართოვოს ინტეგრირებული ავტოგასამართი და გაზ გასამართი სადგურების ქსელი", - აცხადებს „ვისოლი ჯგუფის" პრეზიდენტი სოსო ფხაკაძე.
ახლადგახსნილ ავტოგასამართ სადგურზე 25-მდე ადამიანი დასაქმდა. ახალი სადგურის ოპერატორებს დასაქმებამდე შესაბამისი ტრენინგი ჩაუტარდა. ვისოლის ავტოგასამართ სადგურზე დასაქმებული ყველა თანამშრომელი დაზღვეულია და უფასო კვებით სარგებლობს.
უახლოეს თვეებში ახალ ავტოგასამართ სადგურზე „ვიანორის" ავტომომსახურების ცენტრიც გაიხსნება. „ვიანორი" მომხმარებელს „ნოკიანის" საბურავებს, ფრანგული „ტოტალის" ზეთებსა და ვულკანიზაციის სრულ მომსახურებას სთავაზობს.
ვისოლს საკუთრებაში არსებული ავტო გასამართი სადგურების ყველაზე ფართო ქსელი აქვს საქართველოში. ვისოლ პეტროლიუმ ჯორჯია ერთადერთი ნავთობკომპანიაა საქართველოში, რომელმაც ინტეგრირებული ავტოგასამართი სადგურები დანერგა ქვეყანაში. კომპანია ვისოლი მომხმარებელს შეკუმშულ ბუნებრივ გაზს 2007 წლიდან სთავაზობს.