პრემიერ-მინისტრი, ბიძინა ივანიშვილი იმერეთში, სოფელ წევასთან მომხდარ ავარიასთან დაკავშირებით მწუხარებას გამოთქვამს და გარდაცვლილთა ოჯახებს უსამძიმრებს.
,,შემზარავი ტრაგედია დატრიალდა იმერეთში, სოფელ წევასთან. ავარიამ შვიდი ადამიანის სიცოცხლე შეიწირა. მინდა, სამძიმარი ვუთხრა დაღუპულთა ოჯახებს, მათ ახლობლებს და გავიზიარო მათი დიდი მწუხარება", - აღნიშნულია პრემიერის ,,ფეისბუკის" გვერდზე.
შეგახსენებთ, რომ გუშინ, საღამოს 8 საათზე სოფელ წევასთან ავტოსაგზაო შემთხვევა მოხდა. ქუთაისი-თბილისის მიმართულებით მოძრავი სატვირთო მანქანის ბორტიდან გადმოვარდა ლითონის რულონი, რომელიც საპირისპიროდ მოძრავ მიკროავტობუსს დაეცა.
მიკროავტობუსის მძღოლი და ხუთი მზგავრი, მათ შორის ორსული ქალბატონი შემთხვევის ადგილზე გარდაიცვალა, ხოლო ერთი საავადმყოფოში მიყვანისთანავე.
სატვირთო მანქანის მძღოლი თურქეთის მოქალაქეა და ის ამჟამად დაკავებულია. მომხდარ ავტოსაგზაო შემთხვევასთან დაკავშირებით გამოძიებას აწარმოებს შს საპატრულო პოლიციის იმერეთის მთავარი სამმართველო საქართველოს სსკ-ის
276-ე მუხლის პირველი და მესამე ნაწილებით, რაც 10 წლამდე თავისუფლების აღკვეთას ითვალისწინებს.