4 დეკემბერს, სასტუმრო „რედისონში" იუსტიციის სამინისტროს საჯარო რეესტრისა და შვედეთის საერთაშორისო განვითარების სააგენტოს (SIDA) პროექტის „ორგანიზებული განვითარება და მომხმარებელთა გაუმჯობესებული მომსახურება" შემაჯამებელი სემინარი გაიმართა.
შეხვედრას დაესწრო საჯარო რეესტრის ეროვნული სააგენტოს თავმჯდომარე ეკა კერესელიძე და შვედეთის კარტოგრაფიის, კადასტრის და მიწის რეგისტრაციის სააგენტოს (Lantmateriet) გენერალური დირექტორი ბენგტ ჩელსონი.
პროექტი, რომელიც სააგენტოში 2008 წლიდან ფუნქციონირებს, მიზნად ისახავს საჯარო რეესტრის ორგანიზაციულ განვითარებას, მოქალაქეთა მომსახურების ხარისხის გაუმჯობესებას, ეფექტური მენეჯმენტის პრინციპების დანერგვას, სტრატეგიული გეგმის შემუშავებას, თანამშრომელთა კვალიფიკაციის ზრდას, რეესტრში დაცული მონაცემების სტანდარტიზაციას, თანამედროვე ტექნოლოგიების კადასტრის წარმოებას, მასობრივი შეფასების სამუშაოების განხორციელებას, საზოგადოებრივი ინფორმირების ზრდას და სხვ.
შემაჯამებელ შეხვედრას ასევე ესწრებოდნენ შვედი ექსპერტები, რომლებიც პროექტის მიმდინარეობის დროს აქტიურად თანამშრომლობდნენ საჯარო რეესტრის პერსონალთან და მათთან ერთად მუშაობდნენ სააგენტოს სიტემის განვითარებაზე.
