ფონდი ,,ღია საზოგადოება-საქართველოს" აქტიურად ჩაერთვება პენიტენციური სისტემის რეფორმირების პროცესში . როგორც ფონდის მიერ გავრცელებულ განცხადებაში აღნიშნული, რომ ჯორჯ სოროსმა დადებითად შეაფასა ფონდის მუშაობა, ფონდის მხარდაჭერილი კამპანიის ,,ეს შენ გეხებას" ფარგლებში განხორციელებული საქმიანობა, რომელმაც რამდენიმე მნიშვნელოვანი საკანონმდებლო ცვლილების ადვოკატირებით საკუთარი წვლილი შეიტანა საარჩევნო გარემოს გაუმჯობესებაში და ე.წ მასთ ქერის (Must Carry) ამოქმედებაში, რამაც თავისუფალი მედია საზოგადოებისთვის ხელმისაწვდომი გახადა წინასაარჩევნო პერიოდში.
სოროსის სამომავლო რეკომენდაციაა, რომ ფონდი აქტიურად ჩაერთოს პენიტენციური სისტემის რეფორმირების პროცესში, კერძოდ სამოქალაქო კონტროლის მექანიზმების დახვეწასა და ციხეში ჯანდაცვის პრობლემების მოგვარებაში.
ფონდ ,,ღია საზოგადოება-საქართველოს" უახლოეს წლებშიც იზრუნებს სამოქალაქო საზოგადოების გაძლიერებაზე, ადამიანის უფლებების, დამოუკიდებელი მედიის ხელშეწყობასა და სოციალურად დაუცველი ჯგუფების ინტერესების ადვოკატირებაზე.
გავრცელებულ განაცხადებაში ,,ღია საზოგადოება-საქართველოს" წარმომადგენლები უარყოფენ იფორმაციას, რომ თითქოს ჯორჯ სოროსი ,,ნაციონალურ მოძრაობას" აფინანსებს. გვინდა საგანგებოდ აღვნიშნოთ, რომ ჯორჯ სოროსი და ფონდი ,,ღია საზოგადოება-საქართველო" არ აფინანსებენ პოლიტიკურ პარტიებს და მათ საქმიანობას საქართველოში, _ნათქვამია განცხადებაში.
შეგახსენებთ, რომ ღია საზოგადოების ფონდების დამფუძნებელი, ფინანსისტი და ფილანთროპი ჯორჯ სოროსი 1-2 დეკემბერს თბილისს ორდღიანი კერძო ვიზიტით ეწვია. ვიზიტის ფარგლებში ჯორჯ სოროსი შეხვდა ფონდ ,,ღია საზოგადოება-საქართველოს" ხელმძღვანელობას- აღმასრულებელ საბჭოს და დირექტორს. გარდა ამისა, არსებულ პოლიტიკური რეალობაზე სასაუბროდ, ჯორჯ სოროსი შეხვდა პოლიტიკურ ლიდერებს- პრეზიდენტ მიხეილ სააკაშვილს, პრემიერ მინისტრ ბიძინა ივანიშვილს, და პარლამენტის თავმჯდომარეს დავით უსუფაშვილს.