სახელმწიფო მდივნის მეორე მოადგილე შეხვდება სტუდენტებს, ეწვევა ამერიკულ კუთხეებს, გაეცნობა აშშ-ის მთავრობის საგანმანათლებლო პროგრამებისა და აშშ-ის საელჩოს ინგლისური ენის პროგრამის მონაწილეებს.

სახელმწიფო მდივნის მეორე მოადგილეს ჟურნალისტიკაში საქმიანობის 11-წლიანი გამოცდილება აქვს. სახელმწიფო სამსახურში შესვლამდე ის "ჩიკაგო ტრიბუნში" დიპლომატიურ საქმეთა კორესპონდენტად მუშაობდა. უფრო ადრე ბეი ფენგი ჟურნალისათვის U.S. News and World Report ავღანეთისა (2001-2002) და ერაყის (2003-2004) ომებს აშუქებდა. სახელმწიფო მდივნის მეორე მოადგილის ჟურნალისტური კარიერა U.S. News and World Report-ის პეკინის ბიუროს ხელმძღვანელის რანგში დაიწყო. 1999 წელს მან რობერტ კენედის სახელობის ჯილდო მიიღო სტატიისათვის "ჩინეთის მოტაცებული ცოლები".
ბეი ფენგმა სახელმწიფო დეპარტამენტის თანამშრომლის რანგში სამხრეთ ავღანეთში ერთი წელი (2009-2010) გაატარა. მას კომუნიკაციების უფროსი მრჩევლის თანამდებობა ეკავა. გასულ წელს ბეი ფენგი მიწვეული პროფესორის რანგში ოქსფორდის უნივერსიტეტში მუშაობდა და ავღანეთისა და ერაყის კონფლიქტების გაშუქების შესახებ ლექციებს კითხულობდა.