ევროკავშირ-საქართველოს სავაჭრო ურთიერთობები გახდა სემინარის თემა, რომელიც ხვალ, 4 დეკემბერს, 10:00 საათზე, სასტუმრო „ქორთიარდ მარიოტში" გაიმართება. როგორც სააგენტო „ჯი-ეიჩ-ენს" ევროკავშირი-საქართველოს ბიზნესსაბჭოდან აცნობეს, ევროკავშირის წარმომადგენლობა საქართველოში და ევროკავშირი-საქართველოს ბიზნესსაბჭო (EUGBC) მართავენ სემინარს "ევროკავშირი-საქართველოს სავაჭრო ურთიერთობები: როგორ უნდა განვახორციელოთ ექსპორტი ევროკავშირში".
სემინარზე წარმოდგენილი იქნება პრეზენტაციები შემდეგ თემებზე: EUGBC-ის პუბლიკაცია: "რა უნდა ვიცოდეთ საქართველოდან ევროკავშირის ბაზარზე არაცხოველური წარმოშობის სურსათის ექსპორტისათვის".
EUGBC -ის პუბლიკაცია: "რა უნდა ვიცოდეთ საქართველოდან ევროკავშირის ბაზარზე ალკოჰოლიანი და უალკოჰოლო სასმელებისა და წყლის სასაქონლო პროდუქციის ექსპორტისათვის".
ღრმა და ყოვლისმომცველი თავისუფალი სავაჭრო სივრცე ევროკავშირის Export Helpdesk-ის მონაცემთა ბაზის გამოყენება.