საკრებულოს ფრაქცია "ქართული ოცნება _ თბილისი" თბილისში ერთ-ერთი ქუჩისთვის ირინე ენუქიძის სახელის მინიჭებას ითხოვს. ფრაქცია აპირებს წერილობით მიმართოს პრეზიდენტს, რათა თბილისში რომელიმე ქუჩას ირინე ენუქიძის სახელი ეწოდოს.
თბილისის საკრებულოს დღევანდელ სხდომაზე ფრაქციის თავმჯდომარე გიორგი მუსხელიშვილმა განაცხადა, რომ ამასთან დაკავშირებით მათ საკრებულოს სახელდებისა და სიმბოლიკის კომისიას მიმართეს, თუმცა, კომისიამ ამჯერად საკითხის განხილვაზე უარი თქვა. საკრებულოს სხდომაზე საკითხის ინიციატორს განემარტა, რომ არსებული წესის მიხედვით, იმისთვის, რომ ქუჩას სახელი მიენიჭოს ან გადაერქვას, პიროვნება მინიმუმ 20 წლის გარდაცვლილი უნდა იყოს ან უნდა ეთხოვოს პრეზიდენტს, დაუშვას გამონაკლისი.
მუსხელიშვილს მიაჩნია, რომ ირინე ენუქიძე და მისი შვილი სანდრო გირგვლიანი სიმართლისთვის დაისაჯნენ.