1-3 დეკემბერს არასამთავრობო ორგანიზაცია "YES Georgia" მართავს "NATO-ს ახალგაზრდულ სამიტს", რომელშიც საქართველოს მასშტაბით 227 დელეგატი მიიღებს მონაწილეობას.
ღონისძიების მხარდამჭერები არიან: საქართველოს სახელმწიფო მინისტრის აპარატი ევროპულ და ევროატლანტიკურ სტრუქტურებში ინტეგრაციის საკითხებში, "საინფორმაციო ცენტრი ნატო-ს შესახებ" , ილიას სახელმწიფო უნივერსიტეტი.
მონაწილეები განაწილდებიან შემდეგ კომიტეტებში: ჩრდილოატლანტიკური საბჭო; NATO-საქართველოს კომისია; ევროატლანტიკური პარტნიორობის საბჭო; თავდაცვის დაგეგმარების კომიტეტი; სტრატეგიული ოპერაციების კომიტეტი; ბირთვული დაგეგმარების ჯგუფი.
1-2 დეკემბერს საკომიტეტო სესიები გაიმართება ილიას სახელმწიფო უნივერსიტეტში. საკომიტეტო მუშაობის ფარგლებში დელეგატები განიხილავენ 6 განსხვავებულ პრობლემას და შეიმუშავებენ მათი გადაწყვეტის გეგმას, რომელსაც 1-ელ დეკემბერს წარადგენენ გენერალურ ასამბლეაზე.
1-ელ დეკემბერს სამიტის დასკვნით ნაწილს უმასპინძლებს "D-Plaza" საკონფერენციო დარბაზი (10:00-13:00). სამიტის გენარალური მდივნის მოვალეობას შეასრულებს გიორგი კეპულაძე.
სამიტს სტუმრის სტატუსით დაესწრებიან ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატის, "საინფორმაციო ცენტრი ნატო-ს შესახებისა" და ილიას სახელმწიფო უნივერსიტეტის წარმომადგენლები.