აშშ-ის სახელმწიფო დეპარტამენტის სპიკერმა, ვიქტორია ნულანდმა ვაშინგტონში გამართულ პრესკონფერენციაზე კომენტარი საქართველოსთან დაკავშირებით გააკეთა. ნულანდის განცხადებით, „საერთაშორისო საზოგადოება თვალყურს ადევნებს საქართველოში მიმდინარე პროცესებს. საქართველოსადმი აშშ-ის მხარდაჭერა დემოკრატიულ ღირებულებებს ეფუძნება და მათ შორის ერთ-ერთი მთავარი კანონის უზენაესობაა. ქართული დემოკრატიისადმი ჩვენი მხარდაჭერა ძლიერი და მტკიცეა" - აღნიშნა ნულანდმა.
სახელმწიფო დეპარტამენტის პრესსპიკერი საქართველოში ყოფილი ხელისუფლების ჩინოვნიკთა დაპატიმრებების თემასაც შეეხო და აღნიშნა, რომ ქართულმა მხარემ, აშშ-ის სახელმწიფო დეპარტამენტი, საქმეების სათანადოდ წარმართვაში დაარწმუნა. „მათ იციან, რომ მსოფლიო უყურებთ" - განაცხადა ნულანდმა.
პრესსპიკერის შეფასებით, საქართველოს საგარეო საქმეთა მინისტრის, მაია ფანჯიკიძის და ჰილარი კლინტონის შეხვედრა, ძალიან კარგი შეხვედრა იყო, სადაც მინისტრმა საქართველოს ახალი ხელისუფლების დემოკრატიული პრინციპებისადმი ერთგულება დაადასტურა. მათ ისაუბრეს საქართველოს საგარეო პოლიტიკაზეც, მათ შორის, ნატოს, ევროკავშირის, ავღანეთის სამშვიდობო მისიაში საქართველოს მონაწილეობის შესახებაც. ჩვენ გაგვახარა იმ გარემოებამ, რომ საქართველო აღებული კურსის ერთგულია.
რაც შეეხება ბიძინა ივანიშვილის ვიზიტის გადადებას აშშ-ში, ამ საკითხს ნურლანდი ჟურნალისტის შეკითხვის შემდეგ შეეხო. პრესსსპიკერის განცხადებით, ამ თემაზე ჟურნალისტებს შეუძლიათ თავად პრემიერს ჰკითხონ, თუმცა, ცნობილია, რომ ივანიშვილს სურს, აშშ-ში ვიზიტი ახლო მომავალში განახორციელოს.
