კომპანიის გლობალური სტრატეგია - „აგრესიული ფასის" პოლიტიკა და მაღალი ხარისხის პროდუქცია სატელეკომუნიკაციო ტექნიკის მწარმოებელი კომპანია „Huawei" ქართულ საცალო ბაზარზე ოფიციალურად შემოვიდა, რომელიც მომხმარებელს მაღალი ხარისხის „სმარტფონებსა" და მედიაპადებს ექსკლუზიურად „ალტას" მაღაზიათა ქსელში შესთავაზებს. „ალტაში" მიაჩნიათ, რომ კონკურენტუნარიანი ფასები და მაღალი ხარისხი, საქართველოს საცალო ბაზარზე „HUAWEI" პროდუქციას პოპულარობას მალე მოუტანს.
შესაბამის ორმხრივი თანამშრომლობის მემორანდუმს ხელი, „HUAWEI" საქართველოს წარმომადგენლობის გენერალურმა დირექტორმა დული რონგმადა „ალტა"-სგენერალურმა დირექტორმა ირაკლი კაკაბაძემ მოაწერეს. მემორანდუმის გაფორმებასთან ერთად, ღონისძიებაზე „HUAWEI" იმპროდუქტების პრეზენტაციაც გაიამართა, რომლებიც დღეიდან უკვე გაყიდვაშია. კომპანია მომხმარებელს სთავაზობს 5 სახეობის სმარტფონს ანდროიდის ბაზაზე ყველა საფასო სეგმენტისთვის, და ასევე 7-ინჩიან მედიაპადებს.
„Huawei Technologies Co"- ს საქართველოში მოღვაწეობის 11 წლიანი გამოცდილება გააჩნია და საკმაოდ წარმატებულიც.
„იყო პრობლემები, დაუღალავი შრომა, რომელსაც მუდამ თან სდევდა წარმატებები და პროგრესი. კომპანია მიისწრაფვის განვითარებისკენ, რაც გვაძლევს იმის შანსს რომ ბაზარზე ჩვენ ვიყოთ მუდამ ლიდერები!" - ასე აფასებს საქართველოში განვლილ 11 წელს კომპანია„Tbilisi Huawei Technologies Co"-ს გაყიდვებისა და მარკეტინგის დირექტორი ვახტანგცაგარელი.
- ბატონო ვახტანგ, ცნობილია, რომ კომპანია „Tbilisi Huawei Technologies Co"-მ უცხოეთის ბაზრების ათვისება 90-იან წლებში დაიწყო, შესაბამისად Huawei საქართველოში 2001 წლიდან არის წარმომადგენელი, რა პროექტები განახორციელეთ ამ ხნის განმავლობაში?
- ჩვენ თანამშრომლობთ თითქმის ყველა ქართულ მობილურ ოპერატორებთან. ვფიქრობ 11 წლიანმა გამოცდილებამ გაამართლა და ქართულ ბაზარზე ჩვენი ნიშა დავიმკვიდრეთ. კომპანიამ დაარსების პირველი დღიდანტელეკომუნიკაციებისადგილობრივიბაზრისგანვითარება PSTN ქსელებისმონტაჟით დაიწყო,2002 წელს "ჰუავეიმ" "სიქლნეტში" (ყოფილი "გაერთიანებული ტელეკომი") ავტომატური სატელეფონო სადგურები დანერგა. 2007 წელს შემდეგი თაობის მულტიმედიური ქსელის, NGN ტექნოლოგიის, "სილქნეტში" კი მონაცემთა გადაცემის მინიმალურ სტრანდარტზე დაყრდნობილი, FTTH ტექნოლოგიის დანერგვა დაიწყო. 2010 წელს "სილქნეტთან" დაწყებული პროექტი პირველი ოფიციალური FTTH პროექტია საქართველოში, რომლის გაფართოებაც სამომავლოდ იგეგმება. პროექტის ფარგლებში თბილისის მასშტაბით მუშაობა დასრულებულია. მნიშვნელოვანია, რომ ეს არის ყველაზე დიდი პროექტი ფიქსირებული ქსელის ტექნოლოგიიდან, რომელიც ამჟამად განვითარების სტადიაშია. კომპანია "Huawei " ასევე თანამშრომლობს მობილურ ოპერატორებთან. კომპანია "ჯეოსელთან" განხორციელებული პროექტი არის HSPA მოდემების დანერგვა, რომელიც მე-3 თაობის განვითარების მომდევნო ნაბიჯია. კომპანია "მაგთიკომთან" კი "ჰუავეის"თანამშრომლობის შედეგია ქსელი "მაგთიფიქსი" CDMA ტექნოლოგიის მიმართულებით.
- დღეს Huawei მსოფლიო ბაზარზე ბიზნესს კიდევ უფრო აფართოვებს, რამ გადაგაწყვეტინათ საცალო ბაზარზეც გასვლა...
- ამ გადაწყვეტილებას ორი მიზეზი ჰქონდა, მათ შორის Huawei-ს გლობალური სტრატეგია ბიზნესის გაფართოებას მსოფლიოს მასშტაბით სამომხმარებლო ბაზრებზეც გულისხმობს და მეორეც, ჩვენ მიგვაჩნია, რომ ქართველი მომხმარებელი არის მგრძნობიარე და მომთხოვნი მაღალი ხარისხის მობილური ტელეფონების მიმართ, რომელიც მისაღები იქნება ფასითაც. აქედან გამომდინარე ჩვენ დარწმუნებულები ვართ, რომ ჩვენი შემოსვლა სამომხმარებლო ბაზარზე რამდენიმე სახის მობილური ტელეფონით იქნება წარმატებული და ნაყოფიერი.
- რას გეგმავთ რათა საცალო ბაზარზეც თავი დაიმკვიდროთ?
- ჩვენ გვექნება ბრენდის მხარდამჭერი პერიოდული ღონისძიებები, გათამაშებები, ვგეგმავთ „აგრესიული ფასის" პოლიტიკის განხორციელებას, რაც შეეხება ხარისხს / ფასს ეს საკითხი გადაწყვეტილია და ჩვენ მასთან დაკავშირებით დამაჯერებლებივიქნებით. ჩვენი პირველი კამპანიის დროს ჩვენ მომხმარებელს შევთავაზებთ ანდროიდის ტიპის 5ყველა საფასო სეგმენტისთვის, 7ინჩიანი და 10 ინჩიანი PC „ტაბლეტის" 2 სახეობას, USB 3G მოდემებს და ა.შ
- როგორ და სად წარმოგიდგენიათ თავი თუნდაც ასევე 11 წლის შემდეგ...
- საბაზრო პროგრესი და საერთო დარგობრივი მიმართულებები გვიჩვენებს გზას, მაგრამ Huawei -ს გეგმების და რუქის თანახმად ძირითად სატელეკომუნიკაციო სფეროებში ჩვენ წამყვან პოზიციას დავიკავებთ და გავაფართოვებთ ბიზნესს სხვა დაკავშირებულ სფეროებში, მაგალითად, 2010 წელს Huawei შევიდა საწარმოო ბიზნესსფეროში და 2 წლის შემდეგ გარკვეულ წარმატებას მიაღწია, აქედან გამომდინარე სავარაუდოდ ბევრი საინტერესო შესაძლებლობა გველოდება წინ, მომავალი 11 წლის განმავლობაში.