სოფლის მეურნეობის მინისტრმა დავით კირვალიძემ ,,ექსპო ჯორჯიაში" სოფლის მეურნეობის, კვების მრეწველობის, გადამამუშავებელი და შესაფუთი ტექნოლოგიების მე-12 საერთაშორისო გამოფენა დაათვალიერა.
,,ძალიან მნიშვნელოვანია რომ ასეთი გამოფენები ტარდება და დამთვალიერებელთა რაოდენობა ყოველწლიურად იზრდება. ბიზნესის განვითარებისთვის საგამოფენო საქმის წვლილი მნიშვნელოვანია, რადგან ხელმისაწვდომობა ინფორმაციაზე და უახლეს ტექნოლოგიებზე აქ ძალიან დიდია. სოფლის მეურნეობის სამინისტრომ ორგანიზება გაუკეთა რეგიონებიდან დაინტერესებული ფერმერების ჩამოყვანას, რათა ისინი გაეცნონ ახალ ტექნოლოგიებს და უშუალო კონტაქტი დაამყარონ მწარმოებლებთან. გამოფენაზე წარმოდგენილი სხვადასხვა სათესლე მასალიდან დაწყებული ტექნიკური დანადგარებით დამთავრებული, ყველაფრის დანერგვაა შესაძლებელი. საჭიროა სხვადასხვა მიმართულებების წამოწევა. მაგალითად, ხარისხიანი შესაფუთი მასალის გამოყენება, რომელიც მოსავლის აღების შემდგომი დანაკარგის შესამცირებლად აუცილებელია. დღევანდელ გამოფენაზე ქართული ნაწარმი ფართოდ არ არის წარმოდგენილი, მაგრამ ჩვენ ყველაფერს გავაკეთებთ იმისთვის, რომ გაიზარდოს ადგილობრივი პროდუქციის წარმოება და მსგავს გამოფენებზე მისი ხვედრითი წილი ბევრად დიდი იყოს," - განაცხადა დავით კირვალიძემ.
