,,მეცხრე არხი" "საზოგადოებრივ მაუწყებელს" აღარ შეუერთდება, _ აღნიშნულის შესახებ მთავრობის სხდომის დასრულების შემდეგ ბიძინა ივანიშვილმა განაცხადა და აღნიშნა, რომ მისი მეუღლე ტელევიზიის მფლობელი აღარ იქნება.
"მეცხრე არხი" დარჩება, მაგრამ არ ექნება ისეთი კავშირი, რომ ჩემი ოჯახის წევრი იყოს მფლობელი. ვცდილობთ, რომ შევქმნათ საინტერესო ბორდი ვისაც ტელევიზიის აქციები მართვაში გადაეცემა", - განაცხადა ივანიშვილმა.
შეგახსენებთ, რომ ივანიშვილი მზად არის, ტელეკომპანია "მეცხრე არხის" ქონება მთლიანად საზოგადოებრივ მაუწყებელს გადასცეს. წინააღმდეგ შემთხვევაში, "ჭეშმარიტად საზოგადოებრივი მაუწყებლის" შექმნის პერსპექტივას ივანიშვილი "მეცხრე არხის" ბაზაზე ხედავს.როგორც პრემიერ-მინისტრმა სასტუმრო "რადისონში" გამართულ პრესკონფერენციაზე განაცხადა, მას, როგორც პრემიერ-მინისტრს არ სურს, მისი მეუღლე ტელეკომპანიაში წილს ფლობდეს.
