რიგ სავაჭრო ობიექტებსა და დაწესებულბებთან სექსუალური ხასიათის პროდუქციის რეალიზაცია შეიზღუდება და აღნიშნული სახის ქმედება ადმინისტრაციული წესით დასჯადი ქმედება ხდება.
შესაბამისი ცვლილება ევროპასთან ინტეგრაციის საპარლამენტო კომიტეტის ინიციატივით "ადამინისტრაციულ სამართალდარღვევათა კოდექსში" შედის.
ცვლილების თანახმად , იმ სავაჭრო ობიექტებში, სადაც ბავშვთა ტანსაცმლის და სათამაშოების რეალიზაცია ხდება, სექსუალური ხასიათის პროდუქციის რეალიზაცია პირის 100 ლარით დაჯარიმებას გამოიწვევს.
შსაბამისი სახის პროდუქციის რეალიზაცია იკრძალება სკოლებსა და 18 წლამდე ასაკის პირთათვის განკუთვნილ დაწესებულება-ორგანიზაციებში, ასევე მათ კუთვნილ ტერიტორიებიდან 50 მეტრის დაშორებით და იწვევს 50 ლარის ოდენობით დაჯარიმებას.
სექსუალური ხასიათის პროდუქციის 18 წლამდე ასაკის პირისთვის მიყიდვა კი, 100 ლარიანი ჯარიმით დასჯადი ქმედება ხდება.
ცნობისთვის, სექსუალური ხასიათის პროდუქციის რეალიზაციასთან დაკავშირებით კანონდებლობაში არანაირი რეგულაცია არ არსებობდა.
