დღეს, 28 ნოემბერს, საპატრიარქოს ქართულ უნივერსიტეტში თემაზე - "ქრისტიანობა და ისლამი" - ქართულ-ირანული საერთაშორისო კონფერენცია გაიმართება,
როგორც საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტში აცხადებენ, კონფერენციის მიზანია მართლმადიდებლობისა და ისლამის ფასეულობათა ანალიზი, ქართულ-ირანული კულტურული კავშირების წარმოჩენა, საქართველოში არსებულ კონფესიათა მდგომარეობის განხილვა და სხვა ეთნიკური თუ რელიგიური უმცირესობებისადმი ქართველი ხალხის ისტორიული ტოლერანტული დამოკიდებულების წარმოჩენა.
კონფერენციაში საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტისა და ირანის ისლამური რესპუბლიკის ქალაქ ყუმის ალმუსტაფას საერთაშორისო უნივერსიტეტის წარმომადგენლები მიიღებენ მონაწილეობას. კონფერენციას სხვადასხვა ქვეყნის ელჩები დაესწრებიან.
