საქართველოს სტატისტიკის ეროვნული სამსახურის დაზუსტებული მონაცემებით, 2011 წელს, მთლიანი ეროვნული შემოსავალი 23 631,7 მლნ. ლარს შეადგენს, რაც 2010 წლის მონაცემს 17,6%-ით აღემატება. 2011 წელს, წმინდა ეროვნულმა შემოსავალმა 20 970,9 მლნ. ლარი შეადგინა, რაც წინა წლის ამავე მაჩვენებელზე 16,7%-ით მეტია.
მთლიანი შიდა პროდუქტის დანახარჯებში, მთლიანი კაპიტალის ფორმირების მონაცემი, 2011 წელს, წინა წელთან შედარებით, 42%-ითაა გაზრდილი და 6 368,0 მლნ. ლარს შეადგენს. საქონლისა და მომსახურების ექსპორტის მონაცემი კი, 22%-ით აღემატება გასული წლის ანალოგიურ მონაცემებს და 8 822,9 მლნ. ლარს შეადგენს.
საქართველოს სტატისტიკის ეროვნული სამსახურის მონაცემებით, შემოსავლების ფორმირების ანგარიშში, 2011 წელს, წინა წელთან შედარებით, ხელფასები 29%-ით არის გაზრდილი.