აჭარის ტურიზმისა და კურორტების დეპარტამენტის მონაცემებით, მიმდინარე წლის იანვარ-ოქტომბერში, აჭარაში ჩასული ვიზიტორების რაოდენობა 2010 წლის ანალოგიურ პერიოდთან შედარებით, 63%-ით გაიზარდა. 2011 წლის იანვარ-ოქტომბერში, აჭარაში, სულ 1 138 774 ვიზიტორი ჩავიდა, ხოლო 2010 წლის ანალოგიურ პერიოდში - 892 149.

2012 წლის პირველ ათ თვეში, აჭარაში ჩასულ უცხოელ ვიზიტორთა რაოდენობა 719 196 იყო, რაც 2011 წლის იმავე პერიოდთან შედარებით, 78%-ით გაიზარდა, ხოლო 2010 წლის იანვარ-ოქტომბერთან შედარებით კი, 2,5-ჯერ მეტია.

2011 წლის იანვარ-ოქტომბერში, აჭარას სტუმრობდა 404 830 უცხოელი ვიზიტორი, ხოლო 2010 წლის ანალოგიურ პერიოდში კი - 288 856. 2012 წლის იანვარ-სექტემბერში, აჭარაში უცხოელ ვიზიტორთა უმეტესობა, კერძოდ 40,5% - თურქეთიდან ჩავიდა (მთლიან ვიზიტორთა 20%). თურქეთს მოჰყვება სომხეთი (უცხოელ ვიზიტორთა 14,1%, ხოლო მთლიან ვიზიტორთა - 7,0%), ირანი (უცხოელ ვიზიტორთა 9,9%, ხოლო მთლიან ვიზიტორთა - 4,9%) და აზერბაიჯანი (უცხოელ ვიზიტორთა 8,3%, ხოლო მთლიან ვიზიტორთა - 4,1%).