საქართველო ღვინის ექსპორტს ზრდის. როგორც „საქსტატის" ვებგვერდზე განთავსებულ სტატისტიკურ ინფორმაციაშია აღნიშნული, 2012 წლის იანვარ-ოქტომბერში საქართველოს საზღვარგარეთის სხვადასხვა ბაზრებზე 50 მლნ 703 ათას 600 დოლარის ყურძნის ნატურალური ღვინოები გადაზიდა. მაშინ როდესაც 2011 წლის იანვარ-ოქტომბერში ქვეყნიდან მხოლოდ 41 მლნ 693 ათას 900 დოლარის ნატურალური ღვინოა გადაზიდული.
სტატისტიკური ინფორმაციის მიხედვით, 2012 წლის საერთო ექსპორტში ყურძნის ნატურალური ღვინოების ექსპორტს 2,6 %-ი უკავია.