სადაზღვევო კომპანია ჯიპიაი ჰოლდინგი ავტო დაზღვეულებს მორიგ სიახლეს სთავაზობს, რომელიც კიდევ უფრო ოპერატიულს და კომფორტულს გახდის კომპანიის მომსახურებას!
ჯიპიაი ჰოლდინგმა დანერგა მნიშვნელოვანი სიახლე - 500 ლარამდე ავტო ზარალების შემთხვევების ადგილზე დარეგულირება.
მცირე ავტოსაგზაო შემთხვევები, როდესაც ზარალის ოდენობა არ აღემატება 500 ლარს, შეფასდება შემთხვევის ადგილზე ჯიპიაი ჰოლდინგის ავტო დაზღვევის სერვის მენეჯერების მიერ. კლიენტთან შეთანხმებით, იქვე გამოიწერება ანაზღაურების დოკუმენტი, რომლის განაღდება შესაძლებელი იქნება იმავე დღეს "ჯიპიაი ჰოლდინგის" სერვის ცენტრში, მისამართზე: ჭავჭავაძის 2. ზარალის შეფასება ხდება ჯიპიაი ჰოლდინგის მიერ შემუშავებული საბაზრო ღირებულებაზე დაფუძნებული ანაზღაურების სქემის მიხედვით.
ადგილზე ავტო ზარალის დარეგულირება შეეხება კერძო პირების ავტოსაგზაო შემთხვევებს თბილისსა და მის შემოგარენში 15 კილომეტრის რადიუსზე.
"ჩვენს პრაქტიკაში ძალიან ხშირია შედარებით მცირე მოცულობის სადაზღვევო შემთხვევები, რომელთა შეფასებასაც დიდი დრო არ მიაქვს და ჩვენს ექსპერტებს ამ პროცედურის შესრულება ადგილზევე შეუძლიათ. შესაბამისად, გადავწყვიტეთ დავნერგოთ ეს სერვისი, რომლის მეშვეობითაც დაზღვეულებს შესაძლებლობა ექნებათ ყოველგვარი დაყოვნებისა და დამატებითი პროცედურების გავლის გარეშე მიიღონ ანაზღაურება და მოახდინონ დაზიანებული ავტომობილის შეკეთება"- აცხადებს სადაზღვევო ანაზღაურების სამსახურის უფროსი ჯემალ ქარუმიძე.
სადაზღვევო კომპანია ჯიპიაი ჰოლდინგისთვის ერთ-ერთი პრიორიტეტია ავტო დაზღვევის მომსახურების მუდმივი გაუმჯობესება. ამ მიმართულებით კომპანიამ უკვე დანერგა შემდეგი სერვისები:
ავტო-ასისტანსი - ავტომობილის ტექნიკური მომსახურება გზებზე თბილისსა და მის შემოგარენში;
სერვის ჯგუფის 24 საათიანი მომსახურება - ავტოსაგზაო შემთხვევის ადგილზე სერვის ჯგუფის გასვლა, შემთხვევასთან დაკავშირებული ყველა პროცედურული საკითხის მოგვარება, დაზღვეულის ტრანსპორტირება, საპატრულოდან საბუთების წამოღება და სხვ.
დამატებითი ინფორმაციისთვის მიმართეთ ჯიპიაი ჰოლდინგის ცხელ ხაზს 2505111, ან ეწვიეთ კომპანიის ვებ გვერდს www.gpih.ge და ფეისბუქს: www.facebook.com/GPIH.GE