"სოკარი" 2012 წლის ბოლომდე 5 ახალ სადგურს გახსნის. კომპანია "სოკარ ჯორჯია პეტროლეუმ"-ს დღეის მდგომარეობით 96 ავტოგასამართი სადგური გააჩნია. 2012 წლის ბოლომდე დაგეგმილია კიდევ ხუთი სადგურის გახსნა. მათ შორის 4 სადგური ბუნებრივ გაზზე. საცალო გაყიდვების მიხედვით "სოკარ"-ს ბაზრის 23% უკავია. კომპანიის ავტოგასამართ სადგურებზე განსაკუთრებული ყურადღება ექცევა საწვავისა და მომსახურების ხარისხს. საწვავის ზუსტი ჩასხმის გამო კომპანია მძღოლებში მაღალ ნდობას იმსახურებს. იმისთვის რომ მომხმარებელმა კომფორტულად და დაცულად იგრძნოს თავი, თანამშრომლებს უტარდებათ ტრეინინგები. უფრო მეტიც თანამშრომლებმა იციან რომ თუ მოხდა ისე რომ მათმა მომსახურეობამ მომხმარებელში უკმაყოფილება გამოიწვია (სამუშაო საათებში: იყო ნასვამი, დააკლო საწვავი, ეძინა და ა.შ) მათ მიმართ გატარდება დისციპლინარული სასჯელის ღონისძიება მათ შორის ხელფასიდან %-ის დაკავება. "სოკარი"-ს ავტოგასამართ სადგურზე რეალიზებული საწვავის ხარისხი სრულად შეესაბამება სერთიფიკატსა და საქართველოში მოქმედი კანონმდებლობის მიერ დადგენილ სტანდარტს. მათი ხარისხი სისტემატიურად მოწმდება ლაბორატორიულად. ბენზინის არც ერთ სახეობაში არ არის ტყვიის შემცველობა, ხოლო ოქტანობის რიცხვი "რეგულარი"-ს ტიპის საწვავში მაღალია და შეადგენს-93. თანამშრომელთა ანაზღაურება საკმაოდ მაღალია: ავტოგასამართი სადგურის მენეჯერი - 1360 ლარი, ცვლის უფროსის - 862 ლარი, ოპერატორი - 568 ლარი, დამლაგებელი _ 268 ლარი, მებაღე _ 200 ლარი. გარდა ამისა, მიმდინარე წლის ათ თვეში მხოლოდ ავტოგასამართი სადგურების თანამშრომლებზე გაიცა 273 000 ლარი პრემიის სახით. ასევე სარგებლობენ უფასო კვებით და სამედიცინო დაზღვევით, რომელშიც შედის გარდა ექიმის ულიმიტო მომსახურებისა, სტაციონალური და ამბულატორიული მკურნალობა და ა.შ.
კომპანიაში ამჟამად 1362 თანამშრომელია დასაქმებული. ახლო მომავალში მათი რიცხვი კიდევ უფრო გაიზრდება.
კომპანია, გარდა ავტოგასამართი სადგურებისა საქართველოში ახორციელებს სხვა მნიშვნელოვან პროექტებს, რომლებიც არიან საიმიჯო პროექტები და არა კომერციულები. ასეთია სოკარის მულტიფუნქციური, საერთაშორისო მნიშვნელობის მქონე ობიექტი გორის ავტობანზე, რომლის მშენებლობაზეც კომპანიამ 19 მილიონი ლარი დახარჯა და საზოგადოებისთვის და სატრანზიტო მგზავრებისთვის საუკეთესო დასასვენებელი ადგილია ტრასაზე. ობიექტი აშენდა აღნაგობის უფლებით გამოყოფილ ტერიტორიაზე და არავითარი ექსკლუზიური უფლება ავტობანზე სხვა ამდაგვარი ობიექტების მშენებლობისა კომპანიას არც გააჩნდა და არც ამჟამად გააჩნია. აღნიშნული ტერიტორიისთვის ყოველწლიურად კომპანია სახელმწიფოს უხდის 11 500 ლარს.
მნიშვნელოვანი პროექტია სოკარისა და მაკდონალდსის ერთობლივი, შესანიშნავი და განსხვავებული არქიტექტურის მქონე ობიექტის მშენებლობა ბათუმში, რომელიც საახალწლოდ გაიხსნება და საზოგადოება მიიღებს საუკეთესო ობიექტს. ანალოგიური მშენებლობები განხორციელდება მარნეულშიც. 2006 წლიდან დღემდე კომპანიამ 145 მილიონი დოლარის ინვესტიცია განახორციელა. 2012 წლის ბოლოსთვის კომპანიის მიერ სახელმწიფო ბიუჯეტში გადახდილი თანხა ერთ მილიარდ ლარს გადააჭარბებს და ამ კუთხით საქართველოში ერთპიროვნული ლიდერის პოზიცია უკავია.
"სოკარ ჯორჯია პეტროლეუმი" საქართველოში 2006 წლიდან ფუნქციონირებს და მისი დამფუძნებელი 100 % წილით არის შპს "სოკარ ენერჯი ჯორჯია".
ყველაზე დიდი მოხმარება აქვს რეგულარის ტიპის ბენზინს. 10 თვის განმავლობაში საქართველოში შემოვიდა 272 000 ტონა. მათ შორის აზერბაიჯანიდან 58 000 ტონა რეგულარის მარკის ბენზინი ანუ 21%. დიზელის საწვავი 10 თვეში შემოვიდა 300 000 ტონა, მათ შორის აზერბაიჯანიდან 158 000 ტონა ანუ 53 %.
