სამშენებლო კომპანია "ენ-სი-სის" ფინანსური ხელმძღვანელის, არჩილ ჩოგოვაძის ადვოკატმა სააპელაციო სასამართლოში საჩივარი შეიტანა.
ადვოკატი თბილისის საქალაქო სასამართლოს იმ გადაწყვეტილებას ასაჩივრებს, რომლის თანახმად, ჩოგოვაძეს აღმკვეთი ღონისძიების სახით 60-დღიანი წინასწარი პატიმრობა შეეფარდა.
ადვოკატი აღმკვეთ ღონისძიებას 100 000-ლარიანი გირაოთი შეცვლას მოითხოვს. სააპელაციო სასამართლომ სარჩელი მიღებიდან 72 საათში უნდა განიხილოს.
შეგახსენებთ, რომ არჩილ ჩოგოვაძე შინაგან საქმეთა სამინისტროს თანამშრომლებმა კოპანია "ენ-სი-სის" დირექტორ გეგი ქელბაქიანთან ერთად დააკავეს, თუმცა თბილისის საქალაქო სასამართლომ ქელბაქიანი 150 000-ლარიანი გირაოს გადახდის შემდეგ გაათავისუფლა, ჩოგოვაძეს კი პატიმრობა შეუფარდა.
მათ წინააღმდეგ საქმე 194-ე მუხლით არის აღძრული, რაც უკანონო შემოსავლების ლეგალიზაციას გულისხმობს და 9-დან 12 წლამდე თავისუფლების აღკვეთას ითვალისწინებს.
