თბილისში ნინოშვილის ქუჩაზე, რუსული ეკლესიის მიმდებარედ მომხდარი მკვლელობა გახსნილია. შსს-ის ინფორმაციით, კრიმინალური პოლიციის მიერ ჩატარებული ოპერატიული სამძებრო ღონისძიებების შედეგად, აღნიშნულ ფაქტთან დაკავშირებით დააკავეს ნიკოლიზ ხუბაშვილი, რომელიც აღიარებს ჩადენილ დანაშაულს.
შეგახსენებთ, რომ თბილისში 25 ნოემბერს, ნინოშვილის ქუჩაზე, რუსული ეკლესიის მიმდებარედ ცეცხლსასროლი იარაღიდან რამდენიმე გასროლით მოკლეს სოსო ჩიქობავა. აღნიშნულ ფაქტთან დაკავშირეით გამოძიებას აწარმოებს თბილისის მთავარი სამმართველო საქართველოს სისხლის სამართლის კოდექსის 108-ე მუხლის შესაბამისად.
