საქართველოს პრემიერ-მინისტრი ბიძინა ივანიშვილი აღიარებს, რომ ენერგეტიკული ტარიფების გადახედვის პროცესი გაჭიანურდა. როგორც პრემიერ-მინისტრმა დღეს თბილისში მოწყობილ პრესკონფერენციაზე განაცხადა - " ვერ მოხდა ბოლომდე გარკვევა და პროცესები გაჭიანურდა", თუმცა ივანიშვილი ასევე აღიარებს, რომ გაზის ტარიფების განახევრება ვერ მოხდება, როგორც ამაზე ახალი მთავრობის მხრიდან დაპირება იყო.
ბიძინა ივანიშვილის განმარტებით, საპარტნიორო ფონდის ხელძღვანელი თურქეთში შეხვდება თურქული კომპანიის ხელმძღვანელობას რომელიც გარდაბანში თბოელექტრო სადგურის მშენებლობას გეგმავს.
პრემიერი აცხადებს რომ 16-თეთრიან ტარიფში ჩადებული იყო ინვესტიციის უკან ამოღების საფასურიც, თუმცა ამ ჰესის მშენებლობისათვის რატომღაც 50 მილიონი ფონდიდანაა გადარიცხული და ამიტომ ვცდილობთ ამ კონტრაქტის ჩაშლას ყოველგვარი დანაკარგების გარეშე.
ამ ჰესის მშენებლობისათვის იგეგმება ახალი ტენდერის გამოცხადება.
" შეიძლება შემცირება მოვახერხოთ, მაგრამ ის, რომ განახევრდება ამაზე საუბარი ამ ეტაპზე ზედმეტია", _ განაცხადა ივანიშვილმა პრესკონფერენციაზე.