ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი სამუშაო ვიზიტით ლიტვაში, ქ. ვილნიუსში გაემგზავრა, სადაც მონაწილეობას მიიღებს და სიტყვით გამოვა კონფერენციაზე „ათი წელი პრაღის სამიტის შემდეგ".
ვიზიტის ფარგლებში დაგეგმილია სახელმწიფო მინისტრის მაღალი დონის ორმხრივი შეხვედრები ლიტვის საგარეო საქმეთა მინისტრ აუდრონიუს აჟუბალისთან და თავდაცვის მინისტრ რასა იუნკევიჩიენესთან.
