თუ წელიწადნახევრის შემდეგ ჩემს მიერ დატოვებული გუნდიდან არ იქნება მზაობა დაპირებები შესრულდეს და კვლავ გაჩნდება კითხვები, მე პოლიტიკიდან არსად არ წავალ, - განაცხადა პრემიერ-მინისტრმა, ბიძინა ივანიშვილმა სასტუმრო „რედისონ ბლუ ივერიაში" გამართულ პრესკონფერენციაზე.
ივანიშვილის განმარტებით, მისმა განცხადებამ რომ ის 2014 წლის ადგილობრივი თვითმართველობის არჩევნების ჩატარების შემდეგ პოლიტიკიდან წავიდოდა, დიდი მითქმა-მოთქმა გამოიწვია. მისივე თქმით, ის პოლიტიკიდან საკმაოდ გამარჯვებული წავა და მანამდე დელატურად გააკეთებს განცხადებას თუ სად და რატომ მიდის.
"მე წავალ იმ შემთხვევაში თუ ეფექტურ ხელისუფლებას დავტოვებ", - აცხადებს ბიძინა ივანიშვილი.
"თუ წელიწადნახევრის შემდეგ ჩემს მიერ დატოვებული გუნდიდან არ იქნება მზაობა დაპირებები შესრულდეს და კვლავ გაჩნდება კითხვები, მე პოლიტიკიდან არსად არ წავალ", - განაცხადა ივანიშვილმა და აღნიშნა, რომ პოლიტიკიდან წასვლის შემდეგ საზოგადოებრივ სექტორში გადაინაცვლებს და მას გააძლიერებს.
