საქართველოში "ვარდების რევოლუციის" თარიღის აღნიშვნის ტრადიცია ირღვევა. უკვე ცნობილია, რომ 2003 წლის შემდეგ პირველად საქართველოს "ვარდების რევოლუციის" დღეს, 23 ნოემბერს, დიდი ზეიმით აღარ აღნიშნავს.
"ნაციონალური მოძრაობის" ერთ-ერთი ლიდერის, მიხეილ მაჭავარიანის განმარტებით, 23 ნოემბრისთვის რაიმე გრანდიოზული ღონისძიება დაგეგმილი არ არის.
"23 ნოემბერი გიორგობის ბრწყინვალე დღესასწაულია და ამ დღესასწაულს აღვნიშნავთ", - დასძინა მაჭავარიანმა.
შეგახსენებთ, რომ 2003 წლის შემდეგ საქართველოს მთავრობა "ვარდების რევოლუციის" დღესასწაულს სხვადასხვა ღონისძიებით აღნიშნავდა.
