22-23 ნოემბერს, საქართველოს ჟურნალისტური ეთიკის ქარტია გამართავს კონფერენციას თემაზე: "უახლესი ეთიკური გამოწვევები ქართულ მედიაში". კონფერენციის თანაორგანიზატორები არიან ევროპის საბჭოს წარმომადგენლობა საქართველოში, ფონდი "ღია საზოგადოება საქართველო" და საქართველოს უნივერსიტეტი.
კონფერენციაზე უცხოელი და ქართველი ექსპერტები მიმოიხილავენ წინასაარჩევნო მედიამონიტორინგის შედეგად სხვადასხვა თემასთან დაკავშირებით გამოვლენილ ეთიკურ პრობლემებს: ფაქტების სიზუსტე, პირადი ცხოვრების ხელშეუხებლობა, საზოგადოებრივი მაუწყებლის როლი და პერსპექტივები, თვითრეგულირების მექანიზმების მნიშვნელობა და ეფექტიანობა.
მონიტორინგის ჯგუფში მონაწილეობდნენ ნათია კუპრაშვილი, გიორგი მგელაძე, ნატა ძველიშვილი, ასლან ჭანიძე, მაკა ჯაიანი და გიორგი ჯოლოგუა. მუშაობის პროცესში ჯგუფს ექსერტიზას უწევდნენ უცხოელი ექსპერტები ბაგერ მოინი და მარეკ მრაჩკა.
კონფერენცია გაიმართება საქართველოს უნივერსიტეტის შენობაში. კონფერენციის სამუშაო საათებია: 22 ნოემბერი 09:30 - 17:30 საათი; 23 ნოემბერი 10:00-13:00 საათი. მისამართი - ქ. თბილისი, მ. კოსტავას 77ა, საქართველოს უნივერსიტეტის მე-4 კორპუსი, მეხუთე სართული.