ენერგეტიკისა და ბუნებრივი რესურსების მინისტრი, ვიცე-პრემიერი კახა კალაძე "საქართველოს სახემწიფო ელექტროსისტემას" ესტუმრა და ეროვნული სადისპეტჩერო ცენტრი მოინახულა.
როგორც სამინისტროში განმარტავენ, საქართველოს ენერგოსისტემის ეროვნული სადისპეტჩერო ცენტრი პასუხისმგებელია ენერგოსისტემის ოპერატიულ მართვაზე, 500/220/110/35 კილოვოლტიანი ელექტროგადამცემი ობიექტების გამართულ მუშაობასა და სისტემის მდგრადობაზე. სადისპეტჩერო უზრუნველყოფს ენერგოსისტემის, როგორც ერთიანი ობიექტის მუშაობას სტაბილურ და ავარიულ სიტუაციებში.
ცენტრი აღჭურვილია უახლესი ტექნოლოგიებით, რითაც შესაძლებელია სისტემის შესახებ ინფორმაციის რეალურ რეჟიმში მიღება, სისტემის დისტანციური და ავარიული სიტუაციების ეფექტური მართვა. კერძოდ, ეროვნული სადისპეტჩერო ქვესადგურებიდან, ასევე თბოსადგურებიდან და ჰესებიდან იღებს სრულ ინფორმაციას და მუდმივად განახლებადი მონაცემთა ბაზის საფუძველზე, ავარიულ სიტუაციებში ოპერატიულად რეაგირებს.
2009 წელს, დასრულდა ქვეყნის ენერგოსისტემისთვის უმნიშვნელოვანესი პროექტი - SCADA და ტელეკომუნიკაციის პროექტი, რომლის ფარგლებშიც უახლესი ტექნოლოგიებით აღჭურვილი ამიერკავკასიაში ერთადერთი მართვის ფარი ამოქმედდა. პროექტის განხორციელებით, მნიშვნელოვნად დაიხვეწა საქართველოს ენერგოსისტემის მართვის სისტემა. სადისპეტჩერო ცენტრს უფრო მეტი ინფორმაციის მიღების საშუალება მიეცა, გაიზარდა დაცვის ეფექტურობა და რაც უმთავრესია, მნიშვნელოვნად გაიზარდა ქვეყნის ენერგოსისტემის მდგრადობა.
„საქართველოს სახელმწიფო ელექტროსისტემის" მაღალი ძაბვის ელექტროგადამცემ ხაზებზე დამონტაჟდა ოპტიკურ-ბოჭკოვანი სადენები, ასევე ყველა ქვესადგური შესაბამისი ახალი ტექნოლოგიებით აღიჭურვა.
სადისპეტჩერო ცენტრს უფრო მეტი ინფორმაციის მიღების საშუალება მიეცა, გაიზარდა დაცვის ეფექტურობა და რაც უმთავრესია, მნიშვნელოვნად გაიზარდა ქვეყნის ენერგოსისტემის მდგრადობა.
„საქართველოს სახელმწიფო ელექტროსისტემის" მაღალი ძაბვის ელექტროგადამცემ ხაზებზე დამონტაჟდა ოპტიკურ-ბოჭკოვანი სადენები, ასევე ყველა ქვესადგური შესაბამისი ახალი ტექნოლოგიებით აღიჭურვა.
ახალი მართვის ფარის ამოქმედების შედეგად, მნიშვნელოვნად შემცირდა ავარიული სიტუაციები, დისპეტჩერი ავარიის ლიკვიდაციას უმოკლეს ვადაში ახორციელებს, გაიზარდა სიმძლავრეების მართვის სიზუსტე. ახალი ტექნოლოგია, რომელიც მსოფლიოში ფართოდ გამოიყენება, მსგავსი სრულყოფილი აღჭურვილობით, ამიერკავკასიაში მხოლოდ საქართველოს ეროვნულ სადიპეტჩეროს გააჩნია. მართვის სისტემის ტექნოლოგიური სრულყოფა ქვეყნის პარალელურ რეჟიმში მუშაობასაც სრულყოფს, თურქეთთან, რუსეთთან, სომხეთთან და აზერბაიჯანთან.
საქართველოს ეროვნული სადისპეტჩეროში ახალი მართვის ფარის დანერგვა 3 წლის განმავლობაში მიმდინარეობდა. პროექტი მსოფლიო ბანკმა დააფინანსა, ხოლო სამუშაობს კომპანია „სიმენსი" ახორციელებდა.
