ნოემბერში საქართველოს საერთაშორისო სავალუტო ფონდის მისია ეწვევა. როგორც დღეს სსფ-ს მუდმივმა წარმომადგენელმა საქართველოში აზიმ სადიკოვმა განაცხადა, მისია საქართველოს ნოემბრის მეორე ნახევარში ეწვევა.
„სსფ-ს მისია საქართველოში ნოემბრის მეორე ნახევარში ჩამოვა. ის ორი კვირის განმავლობაში დარჩება ქვეყანაში და მთავრობასთან ეკონომიკისა და ფინანსური პოლიტიკის შემადგენელ ნაწილზე ექნება საუბარი"- აცხადებს სადიკოვი.
თუმცა ვიდრე ქვეყანას სავალუტო ფონდის მისია ეწვევა სსფ-ს მუდმივმა წარმომადგენელმა საქართველოში აზიმ სადიკოვმა კავკასიისა და ცენტრალური აზიის რეგიონების ეკონომიკური მიმოხილვა გააკეთა და რეგიონის განვითარების ფინანსურ და ეკონომიკურ პარამეტრებზე გაამახვილა ყურადღება.
სსფ-ს მიერ მომზადებული ანგარიშის მიხედვით, საქართველოს ეკონომიკა 2012 წელს 7 %-ით, ხოლო 2013 წელს ^ %-ით გაიზრდება.
„საქართველოში 2012 წლის 9 თვის განმავლობაში ეკონომიკური ზრდის შედეგები ძალზედ შთამბეჭდავი იყო.
ჩვენ არ გვაქვს ოქტომბრის ეკონომიკური მაჩვენებლები, თუმც სექტემბრის ანგარიშის მიხედვით ეკონომიკური ზრდა იყო ძლიერი და 2012 წელს 7%-იანი ეკონომიკური ზრდა იქნება. თუმცაღა მინდა ავღნიშნო, რომ გაურკვევლობებმა შესაძლოა წარმოქმნან სისუსტე და შენელება, რაც უმეტესად პოლიტიკური გარემოებებით იქნება განპირობებული. თუმცაღა ყველა მაჩვენებელი მეტყველებს იმაზე, რომ ქვეყნის ეკონომიკური ზრდა არის ძლიერი"- განაცხადა აზიმ სადიკოვმა.
აზიმ სადიკოვმა რეგიონის ეკონომიკური პარამეტრების მიმოხილვის პრეზენტაცია დღეს სასტუმრო „ქორთიარდ მარიოტში" გამართა და დამსწრე საზოგადოებას საქართველოს ეკონომიკის წინაძე არსებულ გამოწვევებზეც ესაუბრა. აზიმ სადიკოვმა აღნიშნა, რომ საქართველოს ღია ეკონომიკა გააჩნია და ქვეყნის ეკონომიკა ინტეგრირებულია ეკონომიკა გარე სამყაროსთან.
ფინანსთა მინისტრის მოადგილე, დავით ლეჟავა განმარტავს, რომ რეგიონის ეკონომიკაზე რისკების გავრცელების ალბათობა მინიმალიზებულია.
„დღევანდელი შეხვედრა საერთაშორისო სავალუტო ფონდის მიერ, რეგიონის ეკონომიკის განვითარების პროგნოზების წარმოდგენას მიეძღვნა. მიუხედავად იმისა, რომ მსოფლიოში რისკები ძალიანაა გაზრდილი, როგორც ევროპაში ასევე აშშ-ში. რეგიონი ასეთი რისკის ქვეშ ნაკლებადაა, რადგანაც ასეთი რისკები შესაძლოა გადმოვიდეს დიდი ქვეყნებიდან მაგალითად რუსეთიდან. შესაძლოა სავაჭრო რისკებიც გადმოგვესეს, ან კიდე სავაჭრო სექტორიდან. ამისათვის 3 თეორიული არხი არსებობს, თუმცა როგორც სსფ-ში ანგარიშშია აღნიშნული რისკების გადმოცემის ალბათობა ჩვენს რეგიონზე საკმაოდ დაბალია. მთავარია იმედიანად ვიყოთ და მიმაჩნია რომ შემდგომ პერიოდში საკმაოდ კარგი ეკონომიკური ზრდა გვექნება.
წინა წლებთან შედარებით შემიძლია ვთქვა, რომ 2-3 წლის უკან ჩვენ ეკონომიკური კრიზისი გამოვიარეთ და ახლა ეკონომიკა შედარებით სტაბილურად ვითარდება"- აცხადებს დავით ლეჟავა. მინისტრის მოადგილის განმარტებით, 2012 წლის ეკონომიკური ზრდის პროგნოზი საწყის ეტაპზეც იყო 6 % და შემდეგ გაიზარდა. მინდა გითხრათ, რომ სსფ-ც და მთავრობაც დაგეგმვისას ძალზედ კონსერვატიულები არიან.
საქართველოში სსფ-ს მუდმივმა წარმომადგენელმა აზიმ სადიკოვმა ქვეყანაში დოლარიზაციის მაღალ ტემპზეც გაამახვილა ყურადღება და განმარტა, რომ დოლარში გაცემული სესხების წილი ეკონომიკაში საკმაოდ მაღალია. თუმცა როგორც სადიკოვი განმარტავს, 0 %-იანი ინფლაციის ფონზე ლარი საკმაოდ გაძვირდა და ეს გაძვირება ყველაზე მეტად სახეზეა თურქულ ლირასთან მიმართებაში. მისივე განმარტებით, ლარი საკმაოდ გაძვირდა ასევე რუსულ რუბლთან აშშ დოლართან და ევროპულ ევროსთან მიმართებაში.
საქართველოში სსფ-ს მუდმივი წარმომადგენელი მიიჩნევს, რომ ქვეყანაში მიმდინარე ანგარიშის დეფიციტის დონე არის საგანგაშო. რაც იმას ნიშნავს, რომ ქვეყანას გააჩნია ბევრი საჭიროებები და ამ საჭიროებების დასაფინანსებლად ელოდება გარე, უცხოურ შემოდინებებს. თუმცა სსფ-ს მუდმივი წარმომადგენლის განმარტებით, თუ ინვესტორები დაინახავენ, რომ მათი კაპიტალი იქ არ ამოძრავდება, მაშინ ისინი ინვესტირებისგან და ფული დაბადებისგან თავის შეიკავებენ.
„ამიტომ ვიტყვი, რომ ქვეყნის პოლიტიკა უნდა იყოს კარგად მორგებული და კარგად ადაპტირებული"- განმარტავს აზიმ სადიკოვი.
