საქართველოს მოსახლეობის უმეტესობა კომერციულ ბანკებს არ ენდობა. ასეთი შედეგი აჩვენა სააგენტო "ჯი-ეიჩ-ენის" ვებგვერდზე ჩატარებულმა გამოითხვამ "რომელ კომერციულ ბანკს ენდობით?"
გამოკითხვაში მონაწილეობა 1854-მა რესპოდენტმა მიიღო. გამოკითხულთა 21,1% აცხადებს, რომ საქართველოში მოქმედ არც ერთ კომერციულ ბანკს არ ენდობა.
გამოკითხვაში მონაწილეებს არჩევანი საქართველოში მოქმედ 19 კომერციულ ბანკს შორის უნდა გაეკეთებინათ.
გამოკითხვის შედეგების მიხედვით, სანდო ბანკების ხუთეული ასე გამოიყურება: სს „ბანკი ქართუ" - 20.1 % , სს „თიბისი ბანკი" - 16.5 %, სს „საქართველოს ბანკი" - 14.5 % , სს „პროკრედიტ ბანკი" - 9.92 % , სს "ბანკი რესპუბლიკა - 7.33 %.
შემდეგ ხუთეულში აღმოჩდნენ - სს „ლიბერთი ბანკი - 3.29 % , სს „ვითიბი ბანკი ჯორჯია - 1.67 %, სს „კორ სტანდარტ ბანკი - 1.29 %, სს „პრივატბანკი - 0.91 % , სს „ბაზისბანკი - 0.86 % .
გამოკითხულთა შორის სანდოობის მხრივ, დაბალი მაჩვენებლები აქვთ შემდეგ ბანკებს: სს "ბანკი კონსტანტა - 0.59 %, სს „ხალიკ ბანკი საქართველო - 0.59 %, სს „პროგრეს ბანკი - 0.43 %, სს „ბითიეი ბანკი - 0.21 % , სს „ინვესტბანკი - 0.21 %, თ.რ. სს „ზირაათ ბანკის - 0.10 %, „კავკასიის განვითარების ბანკის" თბილისის ფილიალი - 0.10 %.
სანდოობის მხრივ ბოლო ადგილზე კი სს „აზერბაიჯანის საერთაშორისო ბანკი - საქართველო - 0.05 % და სს "თურქეთის იშ ბანკის ბათუმის ფილიალი" - 0.05 % აღმოჩნდნენ.
გამოკითხვა ახალი ამბების სააგენტო "ჯი-ეიჩ-ენის" ვებგვერდზე 20012 წლის 6 ნოემბრიდან - 21 ნოემბრამდე მიმდინარეობდა.