რკინიგზის საავადმყოფოში უკანონოდ შეჭრილი სოციალურად დაუცველი ოჯახები საქართველოს მოქალაქეობაზე უარს ამბობენ.როგორც ისინი აღნიშნავენ, მათი საცხოვრებელი ფართებით დაკმაყოფილების საკითხი ამ დრომდე გაურკვეველი რჩება.
,,ჩვენ ვაპირებთ საქართველოს მოქალაქეობაზე უარის თქმას, რადგან სულში ჩაფურთხებულები გამოვდივართ , რადგან საქართველოში ჩვენი ადგილი არ ყოფილა. ერთი თვეა სოროში ვგდივართ_კორიდორში. ჩვენ ახალ ხელისუფლებას არაფერს ვთხოვთ, რადგან ისისნი არაფერს შეგვპირებიან , შეგვპირდა ქალაქის მერი და კეთილი ინებოს და ფართებით დაგვაკმაყოფილოს", _ განაცხადა ჟურნალისტებთან სოციალურად დაუცველმა კახა ოდიშელიძემ.
სოციალურად დაუცველების განმარტებით, მათ უკვე მიმართეს დედაქალაქის მერიასა და პრეზიდენტის ადმინისტრაციას და პრობლემის გადაჭრის გზების შესახებ კონკრეტული პასუხი ვერ მიიღეს, რის გამოც მოქალაქეობაზე უარს იტყვიან და თავშესაფრის მოთხოვნით საელჩოებს მიმართავენ.