ნიუ-იორკის შტატში კორტლენდის ოლქის პროკურორმა მარკ საბენმა აღიარა, რომ 70- იან წლებში პორნოგრაფიულ ფილმებში თამაშობდა. ეს განცხადება მან პრესკონფერენციაზე გააკეთა, რომელიც მას შემდეგ მოიწვიეს, რაც ინტერნეტში გაჩნდა ვიდეორგოლები, რომლებიც ახლანდელი პროკურორის სამსახიობო წარსულს ეხებოდა.
საბენი ოლქის პროკურორის თანამდებობაზე 2008 წლიდან იმყოფება. ამჟამად იგი პრეტენზიას უკვე მეორე ვადაზე აცხადებს.
მოარული ხმები იმის შესახებ, რომ იგი ახალგაზრდობაში პორნოგრაფიული ჟანრის ფილმებში მონაწილეობდა მისი წინასაარჩევნო კამპანიის დროს გაჩნდა. თავდაპირველად იგი ყველაფერს უარყოფდა, თუმცა უცნობმა პირებმა YouTube -ზე "ფილმის ნაწყვეტები" გამოაქვეყნეს.