აჭარაში მიმდინარე წელს საპროგნოზო მონაცემებით ციტრუსის მოსალოდნელი მოსავალი 56 000 ტონას შეადგენს, დღეის მდგომარეობით უკვე რეალიზებულია 2029 ტონა ციტრუსოვანთა ნაყოფი, აქედან 250 ტონა უკრაინაში.
აჭარის სოფლის მეურნეობის სამინისტროს ინფორმაციით, საექსპორტო ბაზრებზე კონკურენტუნარიანი და მაღალხარისხიანი ციტრუსის მიწოდების მიზნით მიმდინარე წლის სეზონზე იმოქმედებს 17-მდე ციტრუსის შემფუთავი საწარმო, სადაც მოხდება პლასტმასის, მუყაოსა და შპონის (ხის) ტარაში პროდუქციის შეფუთვა, პალეტებად შეკვრა და ექსპორტირება. ციტრუსისი სეზონზე შემფუთავი საწარმოები დღე -ღამეში მიიღებს და გადამუშავებს 1200 ტონა ციტრუსისი ნაყოფს.
ჩაქვის ციტრუსის შემფუთავი ქარხანა მიმდინარე წელს 300 ტონამდე ციტრუსოვანთა ნაყოფს მიიღებს. აჭარის სოფლის მეურნეობის სამინისტროში აცხადებენ, რომ საწარმოში მოხდება ასევე სტანდარტული ციტრუსოვანთა ნაყოფის დახარისხება და შეფუთვა, რომელიც უკრაინაში გადაიტვირთება.