აშშ-ის სახელმწიფო მდივნის მოადგილე ევროპისა და ევრაზიის საკითხებში ფილიპ გორდონი საქართველოშია.
"ვიზიტის ფარგლებში მედიასთან სასაუბროდ არაერთი შესაძლებლობა გვექნება. ახლა რაც შემიძლია გითხრათ, ის არის, რომ მოხარული ვარ, საქართველოში დაბრუნებით. კარგი შესაძლებლობაა ახალ მთავრობასთან შესახვედრად", - განაცხადა ჟურნალისტებთან ფილპ გორდონმა თბილისის საერთაშორისო აეროპორტში.
შეგახსენებთ, რომ ფილიპ გორდონი საქართველოს სამდღიანი ვიზიტით ესტუმრა. ვიზიტის ფარგლებში სახელმწიფო მდივნის მოადგილე ევროპისა და ევრაზიის საკითხებში უმრავლესობისა და ოპოზიციის წარმომადგენლებს შეხვდება. დაგეგმილია შეხვედრა პარლამენტის თავმჯდომარესთან, დავით უსუფაშვილსა და საპარლამენტო ოპოზიციის ლიდერთან, დავით ბაქრაძესთან.
