ხვალ, 15 ნოემბერს, 10:00 საათზე, სასტუმრო "შერატონ მეტეხი პალასში" საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის - მონაცემთა გაცვლის სააგენტოსა და ICT-ბიზნესსაბჭოს ორგანიზებით სასტუმრო "შერატონ მეტეხი პალასში" მე-5 საიუბილეო ყოველწლიური რეგიონული კონფერენცია (გამოფენა, დაჯილდოება) გაიხსნება. მთავარი თემაა კიბერუსაფრთხოებასთან დაკავშირებული საკითხები და ინფორმაციული ტექნოლოგიების განვითარების მიმართულებები.
კონფერენცია წლის საუკეთესო IT პროექტების ავტორთა დაჯილდოების ცერემონიალით 17 ნოემბერს დასრულდება. ღონისძიებას გახსნის საქართველოს იუსტიციის მინისტრის პირველი მოადგილე დავით ჯანდიერი.
