თამარ ივერის გამოსვლებს ბერლინში საქართველოს საელჩოს წარმომადგენლები არ დაესწრნენ. ამის შესახებ მუსიკოსი თამარ ივერი ფეისბუქის გვერდზე წერს.
"დამთავრდა ჩემი ბერლინური "დონ კარლოსის" შესანიშნავი და წარმატებული გამოსვლები! ეს სპექტაკლები, მიუხედავად მისი რამდენიმე სკანდალური სცენური მომენტებისა, მაინც ულამაზესად გამახსენდება, რადგან გერმანელმა პუბლიკამ დამაჯილდოვა უდიდესი სიყვარულით და აპლოდისმენტებით. უბედნიერესი ვიდექი სცენაზე მეც და ჩემთან ერთად მთელი ჩემი პირველხარისხოვანი კოლეგები. ერთადერთი, ვინც "ჩასვრილ" (ბოდიში ამ ფრაზისთვის) მდგომარეობაში აღმოჩნდა, ეს არის ჩვენი "საამაყო" საქართველოს საელჩო ბერლინში! არც ერთი დიპლომატი თუ საელჩოს თანამდებობის პირი ჩემს სპექტაკლზე არ შემინიშნავს. თუმცა მდივანის საშუალებით მშვენივრად იცოდნენ ჩემი გასტროლის შესახებ! არადა, ჩემი ბოლო პერიოდის გამოსვლების დროს, მაშინდელი ელჩი, ქალბატონი მაია ფანჯიკიძე, ჩემს ყოველ გამოსვლას ელოდებოდა. თვით გერმანიის სხვა ქალაქებშიც კი (ნეტავ ამის გამო ხომ არ დავიჩაგრე?) ეს ყოველივე, ჩვენი, მომღერლების კარიერისთვის უმნიშვნელო მომენტია, მაგრამ მათთვის კი წესით მნიშვნელოვანი მოვლენა უნდა ყოფილიყო, მემგონი სწორედ ამაში იღებენ ხელფასს! ამ ყოველივეს შემდგომ, როგორც მუსიკოსს, დიდი იმედი მაქვს, რომ ჩემი მომავალი გასტროლების დროს იქ უკვე სხვა შემადგენლობა დამხვდება!" - წერს მუსიკოსი.