ანბანის კოშკის გვერდით, საოცრებათა მოედნის ტერიტორიაზე, ახალი სკულპტურული კომპოზიცია "მე, შენ და ბათუმი" გაიხსნა. სკულპტურის ავტორია მოქანდაკე ირაკლი წულაძე. კომპოზიცია ბრინჯაოსა და ჭედურ ლითონშია შესრულებული და მის შექმნაზე მოქანდაკე რამდენიმე თვის განმავლობაში მუშაობდა.
მაგიდასთან მსხდომი ქალი და მამაკაცი ყავას მიირთმევს - იდეის ავტორი ამბობს, რომ ამ კომპოზიციით ბათუმური ყავის ხარშვის ტრადიციის გადმოცემა სურდა. მაგიდასთან კიდევ ერთი თავისუფალი სკამი დგას, რომელიც განკუთვნილია მათთვის, ვისაც ამ ადგილას სამახსოვრო ფოტოს გადაღების სურვილი გაუჩნდება.
