სააპელაციო სასამართლომ ბაჩანა ახალიას მოთხოვნა თავდაცვისა და შსს ყოფილი მინისტრის პატიმრობიდან გათავისუფლების შესახებ არ დააკმაყოფილა. სასამართლო პროცესზე ახალაიას ადვოკატებმა სასამართლოს დისკების სახით წარუდგინეს ინფორმაცია, რომლის თანახმად, ბაჩო ახალაიას წინააღმდეგ საქმეში არსებული ჩვენებების ავტორები აცხადებენ, რომ მათ ჩვენებები ზეწოლის შედეგად მიაცემინეს. მოსამართლე მანუჩარ კაპანაძემ დაცვის მხარის მიერ წაყენებული მასალა არ გაითვალისწინა, რადგან სასამართლო პროცესი აღმკვეთი ღონისძიების შესახებ ტარდებოდა.
ამასთან, მოსამართლემ ადვოკატებს ურჩია აღნიშნული მასალები გამოძიებისთვის წარუდგინონ.
შეგახსენებთ, რომ 9 ნოემბერს ბაჩანა ახალაიას თბილისის საქალაქო სასამართლომ აღმკვეთი ღონიძიების სახით ორთვიანი პატიმრობა შეუფარდა. თბილისის საქალაქო სასამართლოს მოსამართლე გიორგი გოგინაშვილის გადაწყვეტილებით, გათვალისწინებული არ იქნა ბაჩო ახალაიას ადვოკატის შუამდგომლობა, 31 პარლამენტარის თავდებობასთან დაკავშირებით; წინასასამართლო პროცესი 25 დეკემბრის 15 საათისთვის არის ჩანიშნული. თავდაცვისა და შსს ყოფილ მინისტრს რვა ნოემბერს ბრალი სისხლის სამართლის კოდექსის 333-ე მუხლის მესამე ნაწილის გათავალისწინებით წაუყენეს, რაც სამსახურებრივი უფლებამოსილების გადამეტებას გულისხმობს. ხოლო შემდეგ 9 ნოემბერს ახალაიას ბრალი დაუმძიმდა საქართველოს სისხლის სამართლის 143-ე მუხლის მეორე ნაწილის "გ" ქვეპუნქტით (რაც არის თავისუფლების უკანონო აღკვეთა დანაშაულის დაფარვის მიზნით) და 143-ე მუხლის მესამე ნაწილის "ა" და "ე" ქვეპუნქტებით (რაც არის თავისუფლების უკანონო აღკვეთა წინასწარი შეთანხმებით ჯგუფის მიერ და თავისუფლების უკანონო აღკვეთა სიცოცხლისათვის ან ჯანმრთელობისათვის საშიში ძალადობით ანდა ასეთი ძალადობის გამოყენების მუქარით). ამასთნა ბაჩანა ახალიას მთვარმა პროკურორმა 12 ნოემბერს კიდევ ახალი ბრალი წაუყენა კერძოდ: სისხლის სამართლის კოდექსის 143-ე მუხლის მესამე ,,ა" და ,,გ" ქვეპუნქტებით გათვალისწინებული დანაშაული, რაც არის თავისუფლების უკანონო აღკვეთა, რომელიც ითვალისწინებს სასჯელს 7-10 წლამდე და 144-ე მუხლის პრიმა ერთი მუხლის მეორე ნაწილის ,,ბ" და ,,დ" ქვეპუნქტით გათვალისწინებული დანაშაული, რაც არის წამება და ითვალისწინებს სასჯელს 9-15 წლამდე. კბილაშვილის განცხადებით, ბაჩანა ახალაიას ზემო აღნიშნული ქმედებით ასევე დარღვეულ იქნა ადამიანის უფლებათა და ძირითად თავისუფლებათა დაცვის კონვენციის მესამე მუხლი, რომლიც მდგომარეობს იმაში, რომ აკრძალულია ადამიანის წამება არაადამიანაური და დამამცირებელი მოპყრობა.
