,,საქართველოს მთავრობასთან გაერთიანებული შტაბის ხელმძღვანელის დანიშვნასთან დაკავშირებით კონსულტაციები გვაქვს", _ აღნიშნულის შესახებ აშშ-ის ელჩმა საქართველოში რიჩარდ ნორლანდმა განაცხადა და აღნიშნა, რომ საქართველოში მიმდინარე პროცესებს აშშ ყურადღებით აკვირდება.
,,არჩევნები დასრულდა, მაგრამ ამჟამად საქართველო პოლიტიკურად გარდამავალ პერიოდში იმყოფება. შესაძლებელია, ამ პერიოდში არჩევნებისთვის დამახასიათებელი რიტორიკა ვიხილოთ. Nნებისმიერი ადამიანის დაკავებისას გვიჩნდება სურვილი, რომ პროცესი სამართლის სრული მოთხოვნის დაცვითა და კანონის უზენაესობის დაცვით წარიმართოს. ჩვენ ამ პროცესებს ვაკვირდებით. ნატოსთვის მნიშვნელოვანია ვინ მართავს საქართველოს შეიარაღებულ ძალებს. მთავრობამ და პრეზიდენტმა შეთანხმებას უნდა მიაღწიო, რათა შერჩეული იყოს ისეთი პირი, რომელიც ნდობით გამსჭვალული იქნება და სათანადოდ წარუძღვება ამ საქმიანობას. Kკონსულტაციები გვაქვს საქართველოს მთავრობასთან ამ ეტაპზე და ვფიქრობ, შეთანხმება მიღწეული იქნება. მნიშვნელოვანია ამით არ მოხდეს პოლიტიკური ქულების დაწერა ", - განაცხადა ელჩმა.
შეგახსენებთ, რომ მას შემდეგ, რაც სასამართლომ გაერთიანებული შტაბის ყოფილ ხელმძღვანელს გიორგი კალანდაძეს სამსახურეობრივი უფლებამოსილება შეუწყვიტა გაერთიანებული შტაბის ხელმძღვანელის პოსტი ვაკანტურია.
