სპარსეთის ყურის ექვსმა ქვეყანამ - საუდის არაბეთმა, ბაჰრეინმა, არაბეთის გაერთიანებულმა ემირატებმა, ომანმა, ყატარმა და კუვეიტმა სირიის ოპოზიციური კოალიცია სირიელი ხალხის ლეგიტიმურ წარმომადგენლად სცნო.
ამავდროულად, არაბეთის სახელმწიფოების ლიგაში შემავალი ქვეყნების საგარეო საქმეთა მინისტრები, ქაიროში გამართულ სხდომაზე მიესალმნენ ოპოზიციური კოალიციის შექმნას და მას სირიელი ხალხის "ლეგიტიმური წარმომადგენლების" სტატუსი მიანიჭეს.
გაერთიანებული კოალიციის შექმნას ასევე მიესალმა აშშ-ის სახელმწიფო დეპარტამენტი.
შეგახსნებთ, რომ სირიის ოპოზიციამ გაერთიანება შესძლო. ახალ ოპოზიციურ სტრუქტურას - ოპოზიციური ძალებისა და სირიის რევოლუციის ეროვნული კოალიციას სათავეში ერთ ერთი გამორჩეული ისლამის მღვდელმსახური, მუაზ ხატიბი ჩაუდგა სათავეში.
იგი ცნობილია, რომგორც გაწონასწორებული პიროვნება. რამდენიმე ხნის წინ მან გააკეთა მოწოდება სირიის კრიზისის მშვიდობიანი გზით გადაწყვეტისკენ.
ხატიბი მიიჩნევს, რომ მოლაპარაკებები ასადთან ვერ გადაარჩენს რეჟიმს, თუმცა შესაძლებელს გახდის მისი წასვლა ნაკლებად მტკივნეული გახადოს.
