განცხადებაში აღნიშნულია, რომ დღეს, სხვადასხვა სატელევიზიო ეთერის საშუალებით გავრცელდა კადრები თბილისის სატრანსპორტო კომპანიის კუთვნილი #2 ავტოპარკიდან, თითქოსდა მძღოლები, მხოლოდ ცხრა დღეს მუშაობენ და გაურკვეველი წარმოშობის 16.000 ლარის ჯარიმები დაერიცხათ.
„თბილისის სატრანსპორტო კომპანია სრული პასუხისმგებლობით აცხადებს, რომ აღნიშნული არის სიცრუე და ემსახურება მოსახლეობის შეცდომაში შეყვანას. იმისათვის რომ გამოირიცხოს მომავალში მსგავსი მანიპულაციები, სატრანსპორტო კომპანია იწყებს დეტალური ინფორმაციის გამოქვეყნებას მძღოლების მიერ 2012 წელს ფაქტობრივად გამომუშავებული შრომის ანაზღაურების შესახებ.
პირველ ეტაპზე საზოგადოებას ვაწვდით ინფორმაციას მე-2 ავტოპარკში დასაქმებულ მძღოლთა შესახებ. ამასთან ერთად, კომპანიის ვებ-გვერდზე (www.ttc.com.ge) ეტაპობრივად გამოქვეყნდება დეტალური ინფორმაცია (სახელისა და გვარის ინიციალების მითითებით) მძღოლების მიერ ფაქტობრივად გამომუშავებული შრომის ანაზღაურების შესახებ.
#2 ავტოპარკი (საანგარიშო პერიოდი 2012 წლის ოქტომბერი)
მძღოლთა რაოდენობა ავტოპარკში - 296
მძღოლების მიერ საშუალოდ ნამუშევარი დღეები თვეში - 11.1
მძღოლის საშუალო (დარიცხული) ხელფასი ოქტომბერში - 1016 ლარი
მძღოლის საშუალო ხელფასი დღეში - 91.5
მძღოლთა ჯამური ხელფასი - 300 795
ჯამური დაქვითული თანხა (დისციპლინარული სასჯელების გამო) 575 (0.19%)"- განმარტებულია განცხადებაში