ფინანსთა მინისტრის მოადგილის დავით ებრალიძის განმარტებით, საარსებო მინიმუმამდე გაიზრდება არა მთლიანი საპენსიო პაკეტი, არამედ მისი ფულადი კომპონენტი.
"გაორმაგდება სოციალური დახმარებები და გაიზრდება პროგრამის ბენეფიციართა რაოდენობა; კიდევ უფრო გაიზრდება სოფლის მეურნეობის სამინისტროს დაფინანსება. ამ მიმართულებით, დამატებით, მოზიდული იქნება კერძო ინვესტიციები და სესხები, რითაც სოფლის მეურნეობის განვითარებისთვის 1 მლრდ.-იანი ფონდი შეიქმნება, რომელიც მთავრობის პროგრამით გათვალისწინებული პროექტების დაფინანსებას მოხმარდება", - განაცხადა ებრალიძემ.
