ქსნის ტუბერკულოზის დაწესებულების დირექტორს და სამ ექიმს, რომელნიც ამ დაწესებულებას ემსახურებოდნენ, უფლებამოსილება შეუჩრდა.
სასჯელაღსრულების, პრობაციისა და იურიდიული დახმარების საკითხთა მინისტრის, სოზარ სუბარის განცხადებით, თანამდებობიდან ყველა ის პირი გათავისუფლდება, რომელთა ქმედებებშიც დანაშაულის კვალი იკვეთება.
"გენერალური ინპექცია და ჩვენი საგამოძიებო კომისია ერთობლივად მუშაობენ და თუ მათი კვლევის შედეგად გაირკვევა, რომ რომელიმე პირს დანაშაულებრივი ქმედებები აქვს ჩადენილი, ან საკუთარ მოვალეობას არ ასრულებდა, უფლებამოსილება შეუჩერდება და შემდეგ, კანონით გათვალისწინებული ღონისძიებები გატარდება" - განაცხადა მინისტრმა და იქვე პატიმრების ახლობლებს მოუწოდა, რომ საპროტესტო გამოსვლებით ნუ შეეცდებიან პროცესის დაჩქარებას, რადგან შესაბამისი უწყებები ამ თემაზე სერიოზულად მუშაობენ და სათანადო შედეგებიც მალე დადგება.
მასალის გამოყენების პირობები