"ფეისბუქზე" სირიაში დაკარგული უკრაინელი ჟურნალისტის, ანხატ კოჩნევის მიმართვა გამოქვეყნდა, სადაც ის გამტაცებლების მოთხოვნების შესრულებას ითხოვს. ვიდეომიმართვა ჟურნალისტმა საკუთარ გვერდზე გამოაქვეყნა. მძევალი აცხადებს, რომ ის ქალაქ ჰომსში იმყოფება და რუსულ და უკრაინის საელჩოებს მიმართავს, შეასრულონ გამტაცებლების მოთხოვნები.
ჟურნალისტი უკრაინის მოქალაქეა, მაგრამ უკანასკნელ ხანს ერთ-ერთ რუსულ არხზე მთარგმნელად მუშაობდა. ის გადამღებ ჯგუფთან ერთად სირიაში გაემგზავრა, მაგრამ ერთ-ერთი არეულობის დროს უკვალოდ დაიკარგა. ოქტომბრის შუა რიცხვებში რამდენჯერმე გამოვიდა კავშირზე, სადაც სატელეფონო რეჟიმში თავისი გატაცება დაადასტურა. კოჩნევას საქმე პირად კონტროლზე პრეზიდენტმა იანუკოვიჩმა აიყვანა და სამართალდამცავებს მის გასათავისუფლებლად ყველანირი ღონისძიების გატარება უბრძანა, თუმცა ქალი ჯერჯერობით ტყვეობაში რჩება.
როგორც ცნობილია, კონფლიქტი სირიაში 2011 წლის მარტიდან დაიწყო და ამ დრომდე გრძელდება. მისი მსხვერპლი ათასობით ადამიანი გახდა, რომელთა შორის უცხოეთის მოქალაქეები, მათ შორის ჟურნალისტებიც არიან.